მიუხედავად ყველაფრისა, ნური შაჰინი მუდამ კარგ ხასიათზეა. მართალია,
მადრიდის "რეალის” ახალ შენაძენს დებიუტის საშუალება ჯერ არ მიეცა, მაგრამ
მას სჯერა, რომ გუნდში მნიშვნელოვანი ფიგურა გახდება.
"ტრავმირებული ვარ, მაგრამ თავს კარგად ვგრძნობ. ვფიქრობ, იმ ადგილას ვარ, სადაც უნდა ვიყო. საჭირო მოთამაშე გავხდები”.
"დღითიდღე ვპროგრესირებ, რეაბილიტაციის პროცესი მშვენივრად მიდის,
მეტიც, დაგეგმილზე ერთი კვირით სწრაფად. ვერ გეტყვით, როდის დავბრუნდები.
მთავარია, ფორმა სრულად აღვიდგინო. ტრავმის გამო, რა თქმა უნდა, 100% – ით
კმაყოფილი არ ვარ, მაგრამ გარშემო ყველაფერი შესანიშნავია”.
"მეც და ჰამიტიც ძალიან კარგად მიგვიღეს. ყველაფერს გავაკეთებთ, რაც
შეგვიძლია და ვეცდებით, მალე გავიაროთ ადაპტაცია. ამ ასპექტში პრობლემა
არასდროს მქონია და აქაც ყველაფერი ბრწყინვალედაა”.
"სამი ხედირა და მესუთ ოზილი თავიდან ძალიან დამეხმარნენ, მაგრამ
კონკრეტულად მაინც ვერავის გამოვარჩევ, გუნდში ყველა პროფესიონალია და
ყველა მზადაა შენს მხარდასაჭერად. ისინი სუპერვარსკვლავები არიან როგორც
მოედანზე, ისე – მის გარეთ”.
"ვხვდები, რატომ არის მოურინიო საუკეთესო. ჩემთვის ის შეუდარებელია”.
Download:
Download 2:
Download 3:
|